Tuesday, April 8, 2008
ನಿಲ್ಲದಿರು........!
ಹೊರಟೆನೆಂದೇಳಿ
ತಿರುಗಿ ನೋಡಿದೆಯಾಕೆ ಮತ್ಯೆ?
ಅಂಜಿ ಹೆದರಿದೆಯಾ ಗೆಳತಿ
ನಿನ್ನ ಮನಸೊಳಗಿನ ಸಾಕ್ಷಿಗೆ
ಮರೆತು ಬಿಡು, ಮರೆಯಾಗು
ಆದರೆ!
ನಾನ್ಯೇಗೆ ಮರೆಯಲಿ ನಿನ್ನ
ಮತ್ತೆಬರದ ಆ ದಿನಗಳನ್ನ
ಮಾಸಿ ಮರೆಯಾಗದ
ಆ ನೆನಪುಗಳನ್ನ!
ದೂರವಿದ್ದು ನಿನ್ನ ದೂರಲಾರೆ
ನೊಂದರು ನಲಿಯುವೆ ನಿನ್ನೆದುರಲಿ
ವಿಶ್ವಾಸ ನಿನಗಿರದಿದ್ದರೇನು
ನನ್ನ ಶ್ವಾಸದ ಉಸಿರು ನೀನೆ
ನನ್ನ ನಿದುರೆಯಾ ಕನಸೂ ನೀನೆ
ಕೊರಗಬೇಡ ನಿನ್ನದಲ್ಲದ ತಪ್ಪಿಗೆ
ಇರಲಿಲ್ಲ ಆ ಭಗವಂತನಿಗೂ ಒಪ್ಪಿಗೆ
ಕುಂತು-ನಿಂತು ಕಾಯುವೆ
ಬರಬಹುದೇನೋ ಸಾವು
ಹಾಗೆಯೇ ಮತ್ತೊಂದು ಜನ್ಮ
ಆಗಬಹುದೇನೋ ನಮ್ಮ ಮಿಲನ
ಕಾದು ಬರೆಯುತಿರುವೆ
ಸಾಲು ಸಾಲು ಕವನ
- ರಾ.ಶಿ.
Subscribe to:
Post Comments (Atom)
No comments:
Post a Comment